Aроматичен чоко-нугат куглоф

Сочен, ароматичен, богат куглоф, совршен за секоја фамилијарна седенка, веселба или прослава. Рецепт на нашата пријателка Валентина која постојано не изненадува со одлични рецепти.

Aроматичен чоко-нугат куглоф

By Валентина Крстевска Published: April 8, 2013

Prep: 15 mins
Cook: 1 hr 20 mins
Ready In: 1 hr 35 mins

Сочен, ароматичен, богат куглоф, совршен за секоја фамилијарна седенка, …

Ingredients

125 г чоколадо
125 г потпечени несолени сецкани лешници
200 г путер
125 г бурбон ванила шеќер (ако немате не пречи да се стави и обичен ванилин шеќер + 1 лажица рум)
4 јајца
100 г брашно
125 г шеќер
100 г густин
1 пакетче прашок за пециво
80 г инстант прашак за чоколаден напиток од Витаминка
1 нугат премиум пудинг( (ако немате, не пречи да се употреби пудинг од чоколадо)
100 г карамел кекси од Витаминка ситно скршени или грубо смелени
200 г чоколадо за готвење (за глазура)
6 лажици млеко (за глазура)
6 лажици масло за готвење (за глазура)
6 лажици какао (за глазура)

Instructions

1.Путерот пенасто сматете го со миксер заедно со шеќерот и бурбон ванилата (или предложената замена).Додајте едно по едно јајце, а по секое додавање внимателно измешајте.Додајте ги постепено брашното,прашокот за печиво и густинот и с`е убаво соединете со миксер на средна брзина.
2.Чоколадото стопете го на пареа па заедно со прашокот за пудинг и прашокот за инстант чоко напиток додајте ги во смесата за тесто. Додајте ги лешниците и кексите и смесата убаво измешајте ја со шпатула.
3.Калапот за куглоф обилно премачкајте го со путер. Смесата за тесто префрлете ја во калапот.Куглофот се пече на 180 степени одозгора покриен со алуминиумска фолија од 60-80 минути зависно од рерната.Проверете дали е добро испечен со боцнување со чепкалка за заби:ако на чепкалката не остане тесто,тоа значи дека е добро испечен.
4.Превртете го калапот врз рамна чинија, одозгора замоткајте го со подебела намокрена крпа и оставете го така десетина минути.Потоа тргнете го калапот од куглофот и оставете го да се олади.
5.Чоколадната глазура се подготвува на пареа:сите состојки ставет ги во погоден метален сад кој треба да се држи над водата (во спротивно какаото се згрутчубва и глазурата нема убава текстура,вкус и изглед).Со оваа глазура прелијте го оладениот куглоф.
6.По желба украсете го куглофот со шари од бело чоколадо.