Бело колаче

Ако сакате суви колачиња (без крем), тогаш не можеме да замислиме нешто полесно, побрзо и повкусно од овој колач. Плус на сето ова, одличен начин да се искористат преостанати белки. Да не должиме многу, пробајте!

Бело колаче

By Гастронаутка Published: November 23, 2012

Ако сакате суви колачиња (без крем), тогаш не можеме да замислиме нешто …

Ingredients

1 шолја за млеко полна со белки (околу 250 мл или 5-6 белки)
1 шолја за млеко полна со шеќер
1 шолја за млеко полна со брашно
2/3 шолја масло за готвење
1 шолја полна со крупно сецкани ореви, суво овошје и/или желе бонбони (сите мерки се со истата шолја)
1/3 кафена лажичка прашок за пециво
малку сол (меѓу два прста)
маргарин (или маст) (за подмачкување на калапот)
брашно и обичен шеќер (за подмачкување на калапот)

Instructions

1.Во подлабок сад изматете ги белките со шеќерот и солта (сол се додава за да се изматат убаво белките, а место сол може да се искористат 4-5 капки оцет).
2.Брашното измешајте го со прашокот за пециво и со оревите и/ или сувото овошјте, а потоа додадете го во изматената пена од белки (шне).
3.Додадете го и маслото за готвење и се промешајте убаво, но користете лажица (никако миксер), и мешајте со бавни и нежни движења.
4.Калапот за куглоф добро намачкајте го со маргарин, а потоа посипете го убаво со брашно и со обичен шеќер.
5.Печете во загреана рерна на 180-190 степени додека не зарумени убаво (околу 25-30 минути). Извадете го колачот од калапот додека е уште топол и ставете го на украсна чинија.
6.Забелешка: Ако сакате, можете одозгора да го посипете со шеќер во прав или со растопено чоколадо.