Мирисот на путер потсетува на сончево утро и прошетка по некоја од уличките на Париз. Донесете го шмекот на Париз во вашиот дом. Мигусто, знае како!

Француски кроасани

By Веселин Андроски Published: September 27, 2012

  • Yield: 30 парчиња
  • Prep: 2 hrs 0 min

Можеби постапката за подготвување ќе ви изгледа сложена, ама верувајте ми, и тоа како се испплати маката.

Ingredients

Instructions

  1. 1.Сите состојки освен путерот и јајцето се мешаат и се замесува тесто кое се остава убаво да нарасне.
  2. 2.Путерот прво добро се лади (10-15 минути во ладилник), а потоа се става помеѓу две поголеми парчиња проѕирна фолија и се расукува со сукало додека не се добие плочка.
  3. 3.Стасаното тесто се расукува во лента со висина колку што е висината на плочката путер, а со трипати поголема ширина.
  4. 4.Плочката путер се става во средината на лентата од тесто, потоа се преклопува со тесто прво од едната страна, а потоа и од другата. Ќе се добие плочка од тесто колку што беше плочката од путер (путерот е во средина, како сендвич). Потоа оваа плочка се расукува до дебелина од околу 5 мм, се дипли (како со путерот на три, и уште еднаш на три), и се остава во фрижидер да се олади околу 30-40 минути.
  5. 5.Тестото се вади, се расукува повторно и се дипли на два пати како во претходниот чекор. Потоа се враќа во фрижидер и се остава уште 30-40 мин. Оваа постапка треба се повтори уште еднаш, а подобро уште два пати, и на крај се остава тестото да преноќи во фрижидер.
  6. 6.Следниот ден, тестото се дели на два дела, од секој дел се расукува лента која се сече на триаголници, и од секој триаголник се витка кифличка (кроасан).
  7. 7.Кроасаните се редат во плех на хартија за печење и се оставаат да постојат барем 30 минути. Пред да се стават во рерна се премачкуваат со изматено јајце помешано со малку вода.
  8. 8.Се печат во загреана рерна на 190 степени, околу 15 минути.