Спиењето е природен релаксирачки процес при кој доаѓа до намалување на функциите на некои сетила. Неопходно е за регенерирање ма психичката и физичката сила на организмот, има клучна улога во консолидацијата на меморијата, а особено делува на севкупната еволуција на мозокот. Просечниот човек поминува една третина од својот живот во спиење.

Забрзаниот ритам на животот кој денес го водиме, золемениот број на работни часови, гужвата, постојаното брзање и останатите “придобивки“ од модерниот живот предизвикуваат проблеми со спиењето, односно неспиењето, кај голем на луѓе. Меѓутоа, добрата вест е дека одредени одлуки поврзани со исхраната можат и тоа како да влијаат на квалитетот на сонот.Поинаку кажано – ако јадете попаметно, ќе спиете подобро и ќе се чувствувате поздраво.

Немојте да ги прескокнувате, а потоа да ги надокнадувате оброците

Прескокнувањето на оброци во текот на денот може да изгледа како добар начин за намалување на килограмите, но со тоа само го вадите организмот од рамнотежа и предизвикувате проблеми со спиењето.

Јадете порано и почесто

Додека спиете, вашето тело користи енергија за да се регенерира, а притоа потрошените калории треба да се надокнадат. Јадете мешавина од протеини и јаглехидрати за доручек (на пример јајца и интегрален тост), а во текот на денот конзумирајте барем уште 4-5 помали оброци. Ако јадете нешто здраво на секои неколку часа ќе му помогнете на вашето тело и мозокот да постигнат правилна рамнотежа на хормоните и неуротрансмитерите кои се важни за регулирањето на сонот.

Кажете им НЕ на грицките

Едноставно кажете им не на малите сендвичи, чипсови и други грицки. Масната и зачинета храна го отежнува варењето, а со тоа ве држи будни подолго отколку што е потребно.

Немојте да претерувате

И премалку не чини. Ако дневниот внес на калории го намалите на помалку од 1200 калории, организмот не добива доволно од нутриентите кои му се потребни, што исто така може да делува на сонот. На пример, недостатокот на железо може да предизвика симптоми слични на оние кои ги предизвикува умор на нозете, додека недостаток на фолна киселина може да предизвика несоница.

Внимателно со солта и кафето

Различните готови производи содржат големо количество на сол што може да го поремети вашиот ритам на спиење со зголемување на крвниот притисок и со предизвикување на дехидратација. Кофеинот, од друга страна, останува во организмот и до 12 часа, па последиците од едно попладневно кафе можат да се почувствуваат многу подоцна.

Витамини и минерали кои ќе ви помогнат да спиете подобро

Витамин Б: ја подобрува способноста на телото да го регулира лачењето на триптофан и да произведува повеќе серотонин, кои се важни за регулаијата на сонот. Овој витамин се наоѓа во пилешко месо, банана, компир, лешници…

Калциум: овој природен релаксатор има смирувачки ефект на нервниот систем. Може да се најде во ниско калоричен јогурт, млеко, сирење, брокула, спанаќ…

Цинк: недостатокот на овој минерал се поврзува со несоницата. Може да се најде во јаткастите плодови, разни семиња, интегралните житарици, во јунешкото месо итн.

Железо: недостатокот на овој минерал предизвикува симптоми на умор. Може да се најде во месото, џигерите, мешункастите зеленчуци, во темно зелениот лиснат зеленчук, во суво овошје итн.

Бакар: го регулира лачењето на серотонинот. Може да се најде во житните растенија, гравот, лешниците.