Веројатно и вам ви е познато дека кога станува збор за вино и храна, треба да запаметите две работи: црвено вино оди со црвено месо, а бело вино оди со риба и пилешко. Меѓутоа, ова општо правило одамна е променето.

Комбинирањето на вино и храна не е веќе онака едноставно како што беше, а една од причините е и огромниот избор на вина кој сега ни е на располагање. Но, комбинирањето не мора да биде ни посебно тешко. Покрај тоа што на интернет можете да најдете голем број на страници кои нудат алатка за комбинирање (посетете го Gallo.com, на пример), денес и во наредните неколку денови ви носиме и неколку совети како секогаш да го послужите вистинското вино.

Заборавете ја бојата.

Кога бирате вино за вашиот оброк, не е битна бојата туку “телото“ на виното, односно неговата текстура и чувството што го предизвикува во вашата уста, што често се изедначува со количеството на алкохол кое виното го содржи. Во општ случај, колку виното е потемно, толку “телото“ му е потешко или пополно. Вообичаено, тешките вина добро се комбинираат со храна која содржи мешавина од вкусови (на пример, селско месо), а лесните вина (како Ризлинг) одлично се спојуваат со чисто парче месо како бифтек или печење. Од друга страна, не би сакале да послужите средно тешко вино како Кабернет Шевињон со риба.Наместо ова,, обидете се со лесно црвено или розе вино кое добро оди и со било какви морски плодови.

Пробајте Пинот Ноар.

Ако сакате сигурен избор на вино, спријателете се со Пинот Ноар-от. Тоа е црвено вино со средна тежина, односно некаде помеѓу лесните и тешките црвени вина, што го прави идеален за комбинирање и со едната и со другата група на јадења. Секако, имајте во предвид дека постојат различни Пинот Ноар вина (различни производители, географски региони и старост), па затоа добро би било да пробате неколку пред да се одлучите.

Сосот е најважен.

Основната идеја кога комбинирате вино и храна е да добиете спој на две единки кои се подобруваат една со друга. Тие можат да бидат комплементарни, но можат да бидат и контрастни. Меѓутоа, овие комбинации често можат да се покажат како неподобни. Пример за тоа е комбинирањето на некои црвени вина, кои содржат танин и рибата која содржи доста јод. Танинот и јодот заедно предизвикуваат непријатен метален вкус во устата, што е и една од причините за она старо правило кое го споменавме погоре – црвеното вино не оди со риба!

Имајте во предвид дека честопати, вкусот на храната не го одредува месото, ниту гарнирот, туку сосот. Ако служите храна која има сос, особено ако тој сос е силно зачинет, како на пример со црн пипер, или е густ и кремаст, тогаш сосот е тој што треба да го спојувате со виното, а не месото!