Кога готвам многу ми е важно е да ги искористам намирниците кои ги имам во фрижидер. Така беше и овојпат. При рака имав овошни јогуртчиња кои совршено ми послужија да го направам овој десерт. Едноставни за приготвување, овие овошни коцки се феноменални.
Коцки со овошен јогурт
By Published: October 25, 2013
- Prep: 15 mins
- Cook: 5 mins
- Ready In: 1 hr 20 mins
Кога готвам многу ми е важно е да ги искористам намирниците кои ги имам во …
Ingredients
- 150 г бисквити
- 150 г лешници
- 100 г шеќер
- 100 г путер
- 100 мл вода
- 1 кесичка желатин
- 100 мл млеко
- 400 мл овошен јогурт
- 150 г смрзнато овошје
- 150 мл вода
- 2 лажички густин
- 1-2 лажици шеќер
Instructions
1.Во блендер измелете ги биквитите и лешниците. Настрана, во сад, растопете го путерот заедно со шеќерот и водата и додадете ги во блендерот. Се добро изблендирајте за да добиете компактна смеса.
2.Калапот за колач обложете го со проѕирна фолија. Смесата истурете ја, рамномерно распоредете ја и калапот ставете го во фрижидер.
3.Млекото загрејте го скоро до степен на вриење и тргнете го настрана. Додадете го желатинот и со маталка матете се додека добро не се раствори во млекото.
4.Јогуртот префрлете го стаклен сад, во него сипете го растопениот желатин и мешајте се додека желатинот добро не се измеша со јогуртот.
5.Подготвениот јогурт истурете го врз бисквит смесата и оставете го во фрижидер се додека не се стегне (околу еден додва часа).
6.Во сад, ставете го овошјето, налијте го со вода и шеќер. Откако ке зоврие и овошјето ќе се одмрзне, додадете густин и мешајте се додека не се згусне (како за мармалад). Истурете го врз стегнатиот јогурт.
7.Колачот оставете го во фрижидер добро да се олади, исечете го на коцки и сервирајте го. Добар апетит!
- Cuisine: Десерт
- Course: Варење
- Skill Level: Едноставна
