Колач со цимет и шеќер

Супер лесно колаче со вкус на цимет кое не само што е вкусно, туку и изгледа фантастично. Плус, не ви требаат ножиња и даски за да го исечете, слоевите сами се двојат. Уживајте!

Колач со цимет и шеќер

By Гастронаутка Published: January 25, 2013

Prep: 1 hr 10 mins
Cook: 30 mins
Ready In: 1 hr 40 mins

Супер лесно колаче со вкус на цимет кое не само што е вкусно, туку и …

Ingredients

400 г бело брашно
50 г шеќер
1 сув квасец
1/2 кафена лажичка сол
2 јајца
60 г путер
80 мл млеко
60 мл вода
1 ќесичка ванилин шеќер
200 г шеќер (за филот)
2 кафени лажички мелен цимет (за филот)
60 г путер (за филот)

Instructions

1.Во подлабок сад измешајте го брашното, квасецот, ванилиниот шеќер, солта и 50 г шеќер.
2.Изматете ги јајцата, а путерот растопете го заедно со млекото на пареа или во микробранова печка. Откако ќе се растопи, додадете ја водата и измешајте.
3.Спојте ги сувите состојки со смесата од млеко, вода и путер и замесете убаво и мазно тесто. Оставете го да отстои барем 30 минути или додека не се зголеми двојно во волумен.
4.Откако ќе порасне тестото, расукајте го во кора со дебелина околу 4-5 мм во правоаголна форма. Потоа измешајте го остатокот од шеќерот со циметот.Растопете го остатокот од путерот, и со четка размачкајте го врз кората.
5.Посипете ја кората со шеќер и цимет. Пресечете ја на еднакви ленти со ширина колку тавчето за печење, наредете ги лентите една врз друга, а потоа пресечете ги на коцки.
6.Наредете ги коцките тесто вертикално во тавчето. Покријте го колачот со крпа и оставете го да постои уште 35-40 минути, а потоа печете во загреана рерна на 180 степени околу 30 минути или додека не добие убава темна боја.