Во екот на високите летни температури, Пивара Скопје АД повторно со освежителна вест. По летниот хит СКОПСКО Radler, светски познатиот бренд на The Coca Cola Company, ледениот чај NESTEA, пристига на македонскиот пазар.

NESTEA е вистинско освежување и совршена комбинација од чај и овошје што е одличен одговор за тековните временски прилики. За сите оние кои имаат рафиниран вкус и трагаат по нови и поинакви освежителни задоволства, NESTEA е вистински избор.
„Иновацискиот тим на Пивара Скопје АД во континуитет посветено работи на понуда на брендови кои на потрошувачите ќе им донесат нешто ново, поинакво, возбудливо.

Оваа потрага по нови освежителни вкусови, овој пат нѐ одведе до NESTEA како вистински избор за луѓе кои водат активен живот и трагаат по несекојдневни и возбудливи доживувања. Со NESTEA Пивара Скопје АД ја надополнува веќе богатата понуда на различни пијалаци за целосно уживање на нашите потрошувачи”, изјави Катерина Хаџи-Ангелеска – Начевска од Пивара Скопје АД.

NESTEA ќе биде достапен во малопродажбата во пакување од 0,5л. и 1,5л., а во угостителските објекти ќе биде достапен и во стаклено пакување од 0,25л. Инаку, македонските потрошувачи ќе можат да уживаат во NESTEA со вкус на праска и со вкус на лимон.