Овесни бисквити со суво овошје

Мама е надалеку позната по нејзините слатки и колачиња, ама морам да признаам дека суви бисквити во милион различни варијанти и се дефинитивно специјалност. Ова е само еден од нејзините совршени слатки деликатеси во кои често имаме прилика да уживаме, а се надеваме дека и вие ќе се чувствувате исто така 🙂

Овесни бисквити со суво овошје

By Мама Лиле Published: October 1, 2015

Prep: 25 mins
Cook: 15 mins
Ready In: 40 mins

Мама е надалеку позната по нејзините слатки и колачиња, ама морам да …

Ingredients

130 г овесни снегулки (мелени)
260 г брашно
50 г шеќер
5 лажици мед
100 г путер
1 јајце
100 мл млеко
1/2 лажичка сода бикарбона (или прашок за печење)
50 г сушена брусница (или суво грозје или ило кое суво овошје)
50 мл бренди (може и рум)

Instructions

1.Сувото грозје се посипува со врела вода, се остава околу 5 минути, се цеди и се залева со коњак или рум. Снегулките се мелат во блендер.
2.Путер со меша со шеќерот, се додава мед, млеко и јајце. Откако добро ќе се хомогенизира, во смесата се додаваат мелените овесните снегулки.
3.Брашното се меша со сода бикарбоната (или прашокот за печење) и додова во претходно подготвената смесата.
4.На крај се додава сувото грозје - заедно со брендито или румот и се меша. Се добива релативно меко и лепливо тесто.
5.Со лажица се црпи од тестото, се прават топчиња, малку се сплескуваат и се редат во плех обложен со хартија, на мало растојание (тие нараснуваат). Доколку тестото е премеко и не е можно да се направат топчиња тогаш само се црпи со лажица од тестото и се става во тепсијата.
6.Се печат во загреана рерна 180 степени, се додека не ја променат бојата (околу 15- тина минути), но не треба да се препечат. Бисквити се чуваат во херметички сад, така што тие остануваат меки подолго време.