Еве една интересна идеја која можеби не сте имале прилика да ја пробате до сега. Двојно запечени компири во комбинација со јајца – супер вкусно и супер декоративно! Значи, идеално за предјадење или како гарнир, па дури и како главно јадење. Пријатно!
Печени компири со јајца
By March 20, 2013
Published:- Prep: 5 mins
- Cook: 55-60 mins
- Ready In: 60 mins
Еве една интересна идеја која можеби не сте имале прилика да ја пробате …
Ingredients
- 2 поголеми компири
- 1 кромид
- 4 јајца
- 3-4 чешниња лук
- 100 г кашкавал (рендан)
- 2-3 млади кромидчиња
- 2 супени лажици маслиново масло
- малку сол и црн пипер
Instructions
- 1.Загрејте ја рерната на 200 степени. Дорбо измијте ги компирите (не ги лупете), избоцкајте ги со вилушка и ставете ги директно на решетката да се печат околу 40 минути.
- 2.Во тавче на загреано масло испржете ги ситно исечканиот кромид и лук додека не омекнат (околу 5 минути).
- 3.Кога компирите малку ќе се оладат, пресечете ги по должина, и со лажица извадете ја средината, ама оставете околу 5-6 мм заедно со кората. Додадете ја средината заедно со кашкавалот во тавчето со кромид и лук, зачинете со сол и црн пипер и измешајте добро.
- 4.Наредете ги компирите во тавче на хартија за печење и наполнете ги со смесата, но оставете место за јајцето. Испрскајте малку со ситно исечкано младо кромидче и во секој компир додадете едно јајце.
- 5.Печете на 200 степени уште 15-тина минути, или додека белката на јајцето не биде готова (жолчката ќе биде малку течна).
- Cuisine: Предјадење
- Course: Печење
- Skill Level: Едноставна