Немојте да ни се лутите бидејќи знаеме дека знаете како се печат компири, ама сепак не можевме да одолееме а да не ви ја кажеме нашата верзија. Како главно јадење само со салата или како додаток на било какво мевце, сигурни сме дека нема да зажалите ако следната тура печени компирчиња ја направите вака!

Печени компири

By Гастронаутка Published: June 28, 2012

    Немојте да ни се лутите бидејќи знаеме дека знаете како се печат компири, …

    Ingredients

    Instructions

    1. 1.Убаво измијте ги компирите (немојте да ги лупите) и ставете ги да се варат во вода со 1 рамна кафена лажичка сол.
    2. 2.Кога ќе зоврие водата, варете ги уште 10-15 минути, или додека не омекнат (ако ги боцнете со вилушка, таа треба лесно да пробие).
    3. 3.Во меѓувреме, вклучете ја рерната да се загрева на 200 степени. Кога компирите ќе се сварат, ставете ги на тавче покриено со хартија за печење или намачкано со маслиново масло.
    4. 4.Смачкајте го секој компир со алатката за правење пире (или просто со вилушка), а потоа посипете со малку крупна сол, црн пипер и било кој друг зачин кој го преферирате (ние задолжително користиме мајчина душичка со компири).
    5. 5.Испрскајте го секој компир со уште малку маслиново масло одозгора и ставете ги да се печат околу 20-25 минути.
    6. 6.Забелешка: можете да ги послужите со малку павлака и сечкани зелени перца од млад кромид.