Тортелини со сланина и спанаќ

Во летните денови ништо не ни годи толку добро како лесен и брз оброк, и токму за ваквите оброци, тестенините се како измислени. Само додадете една, две нови состојки и имате совршен ручек или вечера без многу мака 🙂

Тортелини со сланина и спанаќ

By Гастронаутка Published: August 6, 2013

Prep: 5 mins
Cook: 25 mins
Ready In: 30 mins

Во летните денови ништо не ни годи толку добро како лесен и брз оброк, и …

Ingredients

4-5 тенки парчиња сланина (околу 150 г)
2 супени лажици маслиново масло
1 чешне лук (истолчено или ситно исечкано)
1/2 кафена лажичка буковец или црвен пипер
700 мл доматен сос
500 г тортелини со месо (или по избор)
150 г спанаќ
малку пармезан и ливчиња свеж босилок (за декорација)

Instructions

1.Загрејте го маслото во големо тавче или тенџерче. На умерен оган ставете ја сланината (исечкана на парчиња) да се пржи додека не стане крцкава.
2.Додадете го лукот и буковецот и пржете околу 1/2 минути. Потоа додадете го доматниот сос и оставете ја смеса да зоврие и да врие околу 5 минути.
3.Сварете ги тортелините во големо тенџере со сол според упатството на пакувањето, а потоа исцедете ги.
4.Во тенџерето со тортелините додадете го спанаќот исечкан на поголеми парчиња и сосот, па добро измешајте.
5.Послужете веднаш со малку пармезан и неколку ливчиња свеж босилок.