Влакната би требало да бидат важен дел од вашата секојдневна исхрана. Доколку не е така, многу е веројатно дека ќе имате проблеми со столицата, хемороиди, зголемен крвен притисок, вишок на килограми. Значи, ако сакате да избегнете сериозни здравствени проблеми, тогаш задолжително вклучете намирници богати со влакна во својата исхрана, односно овошје, зеленчук и житарици.

Диеталните влакна можат да се поделат на топливи и нетопливи. Топливите се растворливи во вода и во цревата тие се разложуваат на неколку важни хранливи состојки. Тие се и многу важни за регулирање на нивото на холестерол во крвта.

Нетопливите влакна не се раствораат во вода и поминуваат низ цревата скоро неизменети. Иако овие влакна, од аспект на хранливост, немаат скоро никаква вредност, тие се многу важни бидејќи без нив би можеле да имате сериозни проблеми со варењето и столицата.

Зголеменотот внесување на влакна може да им помогне на лицата со вишок на килограми, бидејќи самите влакна немаат скоро никаква калориска вредност, а создаваат чувство на ситост. Исто така, храната која е богата со влакна бара повеќе џвакање, па не можете да внесете големо количество на калории во одреден временски период.

Која е препорачаната дневна доза на влакна?

Се препорачува да внесувате 14 г влакна на секои 1000 калории. Доколку пак конзумирате повеќе протеини или сте на протеинска диета, тогаш количината на вакна треба да биде зголемена за да се избегнат евентуални проблеми со варењето.

Како да го зголемите внесот на влакна?

Поголемиот дел од намирниците со растително потекло се богати со влакна. Доколку сакате да конзунмирате повеќе влакна, општ совет би бил да го зголемите внесот на житарици и јаткасти плодови (за зголемување на нетопливите влакна), додека гравот и оризот се одлични извори на топливи влакна. Месото и млечните производи воопшто не содржат влакна.