Пита ајварка

Комбинација од три нешта за кои знаеме дека не постои човек кој не ги обожава. Пита, ајвар и сирење се во едно. Превкусно, прекрасно, совршено. Ова е нашиот најнов деликатес кој мора и вие да го приготвите.

Пита ајварка

By Тетка Биберче Published: September 30, 2015

Prep: 30 mins
Cook: 40 mins
Ready In: 2 hrs 10 mins

Комбинација од три нешта за кои знаеме дека не постои човек кој не ги …

Ingredients

600 г брашно
1 пачетче сув квасец
1 лажичка шеќер
2 лажички сол
350 мл млеко
50 мл масло за готвење
100 г козјо сирење (состојки за фил)
3-4 лажици ајвар (состојки за фил)
1 јајце (за премачкување)
малку сусам (за наросување)

Instructions

1.Брашното замесете го со сувиот квасец, шеќерта и млекото. Додадете масло и сол и месете се додека не добиете мазно тесто. Покријте го и на топло оставете го да нарасне (барем дупло).
2.Тестото поделете го на два дела. Првиот дел расукајте го во тенка кора.
3.Врз тестото ставете чинија (со средна големина) и исечете круг. Кругот ставете го врз тавче за печење.
4.Останатиот дел од тестото повторно замесете го, расукајте го во тенка кора и со истата чинија исечете уште еден круг.
5.Втората половина од тестото расукајте во тенка правоаголна кора. Со нож исечете ги краевите за да добиете добар правоаголник.
6.Подгответе го филот. Сирењето издробете го и ставете го во блендер. Додадете ајвар и се добро испасирајте.
7.Правоаголната кора премачкајте ја со филот. Подеднакво распоредете го врз површината.
8.Исечете идентични (по ширина) ленти.
9.Првата лента свиткајте ја во ролат и ставете ја врз втората лента, на почеток.
10.Заедно свиткајте ги лентите во ролат.
11.Поголемиот ролат ставете го врз првата округла кора и околу ролатот продолжете со виткање на лентите.
12.Сите ленти свиткајте ги околу ролатот за да добиете поголем ролат.
13.Вториот круг тесто ставете го врз ролатот и со раце притиснете ги краевите.
14.Притиснатите краеви свиткајте ги за да останат залепени. Изматете едно јајце и премачкајте ја кората. По желба наросете со сусам, ким или сл.
15.Питата печете ја во загреана рерна, на 220 степени, околу 30 минути или се додека не доние златно-кафена боја.